Geitur hafa fylgt Íslendingum frá landnámi eins og sést á örnefnum víða um land.
Um miðja 20. öld lá við að stofninn þurrkaðist út en síðan þá hefur verið reynt að viðhalda honum og er nú svo komið að íslenski geitastofninn telur um 650 dýr og telst því enn í útrýmingarhættu.
Okkur er skylt að vernda þennan stofn. Ekki bara vegna þess að við erum skuldbundinn af alþjóðlegum samningum að vernda dýr í útrýmingarhættu heldur ætti okkur að vera það einnig ljúft að varðveita þennan hluta af okkar sögu og menningu.
Að auki búa geitur yfir verðmætum afurðum sem hægt er að vinna svo sem mjólk, þel, kjöt og skinn. Ábúendur á Háafelli í Hvítársíðu hafa ræktað geitur í meira en tvo áratugi og hýsa nú um fjórðung stofnsins.
Hér má finna upplýsingar um ræktunina og þá þekkingu sem hjónin á Háafelli hafa viðað að sér um íslensku geitina og nýtingu afurða hennar.
Fyrir þá sem vilja taka þátt í því að viðhalda íslenska geitastofninum bendum við á að smella á aðgerðahnappana hér til vinstri.
Geitaburður.
26/03/2012
Nú styttist í spennandi tíma á Háafelli þegar geiturnar fara að bera.
Um 10. apríl fer að færast fjör í leikinn í geitafjósinu því þá fara kiðlingarnir að fæðast.
Í ár bera um 150 geitur svo það verður mikið fjör og í mörg horn að líta.
Aðalfundur Geitfjárseturs
14/03/2012
Sæl öll!
Aðalfundur Geitfjáseturs verður haldinn næsta sunnudag, 18. mars klukkan 19.30 Staðsetning fundarins verður í Nóatúni 17 1. hæð. Í gamla húsnæði Tölvulistans. Við hvetjum alla til að koma og leggja sín lóð á vogarskálarnar.
Okkur vantar hjálp við að koma söfnun vegna húsnæðis aftur í gang og allir sem hafa áhuga á velferð íslensku geitarinnar ættu að sína þessu áhuga.